Codes sorgent per Atmosfera terrèstra

{{MILCLASS}}
[[File:Top of Atmosphere.jpg|thumb|upright=1.2|L'atmosfera terrèstra vardada da la [[Stazion Spazial Internazional]]]]
L<nowiki>'</nowiki>'''[[atmusfera|atmosfera]] terrestra''' a l’è el strato de [[gas]] che ’l rivestìss el pianètta [[Terra|Tèrra]], tegnùu giò grazie a la [[forza de gravità]], e ‘l ghe partecipa per la pupàrt ind el sò [[mòto de girament|girament]]. Cont ona [[composizion chimica]] varia, la gh’ha ‘na struttura puttòst complèssa e spartida in cinch strat, ciamàa sfer, ricavada da i inversadur del sò [[Gradient de temperadura|gradient tèrmich]] vertical, che a partìi del pussée bass hinn: [[troposfera]], [[stratosfera]], [[Mesosfera (atmosfera)|mesosfera]], [[tèrmosfera]], [[ionosfera]] ed [[esosfera]]. In su la superfice che la segna el confìn infra du strat gh’è ‘n'[[inversadura tèrmica|inversadura]] de la temperadura ciamada "pàusa". El studi de tucc i aspètt de l’atmosfera l’è denter in del grupp di disciplìnn di [[Scienza de l'atmosfera|scienz de l'atmosfera]].

== Descrizion ==
[[File:Atmosfeer Atmosfera - Italiano.png|upright=1.4|thumb|Modèll de l'atmosfera terrèstra]]
=== Composizion ===

Asca la presenza di [[polver]],  i [[aerosòl]] e i inquinant miss denter di òmen, l’atmosfera terrèstra la pò vèss considerada ‘me ‘na [[mes'ciada (chimica)|mes'ciada]] de gas che, in del caso de l’aria sècca, o ben senza tegnì cunt del [[vapor de acqua|vapor de la acqua]], al soeul la gh’ha sta composizion chimica chì (percentuaj scrivùu in sul volumm):<ref>{{Cita web|http://goldbook.iupac.org/C01214.html|IUPAC Gold Book, "composition of pure air"|lingua=en}}</ref><ref>{{cite book|url=https://books.google.it/books/about/Manuale_di_meteorologia.html?id=SiVEdN1Pxt0C&redir_esc=y |title=Manuale di meteorologia |author=Mario Giuliacci |author2=Paolo Corazzon |pages=73|date=2010|isbn=88-483-1168-7|publisher=Alpha Test|language =italian }}</ref>
* [[Azòto]] (N<sub>2</sub>): 78,084%
* [[Ossigen]] (O<sub>2</sub>): 20,946%
* [[Argon]] (Ar): 0,934%
* [[Anidride carbònica]] (CO<sub>2</sub>): 0,0407% (407&nbsp;[[part per milion|ppm]])<ref>{{Cita web|https://www.co2.earth/|CO2.earth, "Earth's CO2 Home Page"|lingua=en}}</ref>
* [[Neon]] (Ne): 0,0018% (18&nbsp;ppm)
* [[Elio]] (He): 0,000524% (5&nbsp;ppm)
* [[Metan (chimega)|Metano]] (CH<sub>4</sub>): 0,00016% (2&nbsp;ppm)
* [[Kripton]] (Kr): 0,000114% (1,1&nbsp;ppm)
* [[Idrògen]] (H<sub>2</sub>): 0,00005% (0,5&nbsp;ppm)
* [[Xeno]] (Xe): 0,0000087% (0,08&nbsp;ppm)
* [[Protòssid de azòto]](N<sub>2</sub>O): 0,000031% (0,31&nbsp;ppm variàbel al soeul)
* [[Ozòno]](O<sub>3</sub>O):0,000003% (0,03&nbsp;ppm  variàbel)
* [[Biòssid de solfer]] o [[Anidride soloforosa]](SO<sub>2</sub>): 0,000001% (0,01&nbsp;ppm  variàbel)
* [[Monòssid de carbòni]] (CO): 0,00001% (0,1&nbsp;ppm  variàbel)
* [[Amoniaca]](NH4): 0,000001% (0,01&nbsp;ppm  variàbel)
* [[Monòssid de azòto]](N<sub>2</sub>O): 0,0000001% (0,0001&nbsp;ppm variàbel al soeul)
* [[Solfur de idrògen]] o [[acid solfidrich]](H<sub>2</sub>S): 0,00001% (0,01&nbsp;ppm  variàbel)
* [[Clorur de idrògen]] o [[acid cloridrich]](HCl): 0,00001% (0,01&nbsp;ppm  variàbel)

Olter a quèj gas chì gh’hèmm de sgiontagh el [[vapor de acqua]] (H<sub>2</sub><nowiki>O), che l'è present in d'on percentual a l’è puttòst variàbel (dal 0% al 6%), cont ona media del 0,33%}}.</nowiki>

Minga tucc i strat gh’hann i stèss concentrazion de gas: per esempi el vapor de acqua el gh’è squas domà ind la tropofera, che l'è 'l el strat pussée de bass,  e ghe n’è quas nagòtt ind la tèrmosfera e ind l’esosfera, che, inscambi gh’hànn dent quasi tutt l'elio e l'idrogeno. La concentrazion del vapor de acqua ind la troposfera, ancasì, l’è nò costanta , ma la varia anca in manera fòrta de on sit a l’alter e in del cors del temp per via del [[Temp (meteorologia)|temp atmosferegh]], ò ben per via di procèss de  [[svaporament]] e [[condensa]], fasi del  [[ciclo de l'acqua]]. La pupart de l<nowiki>''</nowiki>ozòno l’è contegnùda ind la stratosfera <ref name=thermo/> indoe ‘l fa su on strat important: l'[[ozònosfera]].

La composizion di gas de l'atmosfera l’è minga stada semper quèlla de incoeu, ma l’è cambiada assosènn in del cors de la [[storia della Terra]] .

A gh'è divèrsi ''<u>fattor che indusen di perturbazion di component</u>'' de l'atmosfera:<ref>{{cite book|url=https://books.google.it/books/about/Manuale_di_meteorologia.html?id=SiVEdN1Pxt0C&redir_esc=y |title=Manuale di meteorologia |author=Mario Giuliacci |author2=Paolo Corazzon |pages=76|date=2010|isbn=88-483-1168-7|publisher=Alpha Test|language =italian }}</ref>
*''meccanismi radiativi'': la radiazion solar in del camp visìbel o arent a l'[[ragg ultraviolètt|ultraviolètt]] la pizza ò la favorìss di reazion che succeden ind l'atmosfera. A inn d'esempi i [[reazion del Chapman]] de la trasformazion infra l'[[ozòno]] e l'[[ossigen]].
*''meccanismi biològich'': per via la respirazion e la [[fotosintesi]] di organismi vivent.
*''meccanismi geològich'': eruzion di volcani e alter esalazion ind l'atmosfera i  metten denter ind l'atmosfera di sostanz chimegh.
*''meccanismi coasàa de l'òmm'': l'òmm, cont i sò attivitàa, el mètt dent di sostanza ind l'atmosfera ([[inquinament atmosferegh]]).

=== Dati tècnich ===

La massa atmosferega a l’è pressappòch {{M|5,15|e=18|ul=kg}},<ref name=prop>{{en}} [http://www.thermopedia.com/content/285 Thermopedia, "Physical properties of atmosphere"]</ref><nowiki> de la che i trìi quarter hinn contegnùu in di primm M|11|ul=km}} de altèzza.</nowiki>

La [[pression atmosferega]] media in sul livèll del mar, ò ben el pes medi de la porzion d'atmosfera che la sta sora ‘na superfice orizzontal situada al livèll del mar dividùu per l’area de chèsta superfice chì , la var 1013 hPa. L’è l’istessa de quèlla che la farìss, al so fondament, ona colòna de acqua alta on zich pussée de {{M|10|ul=m}}meter. Quèll valor chì, l’è stàa decìs per l’unitàa de misura de la pression ciamada [[atmosfera (unitaa de misura)|atmosfera]].

La pression e la [[densità]] i vann giò in manera pussee o men esponenzial con la quòta, inveci la variazion de la [[temperadura]] la gh’ha on andament del tutt particolar, in reson de l’assorbiment de la [[radiazion solar]] e de quèlla terrèstra. Second la classificazion pussée doperada i inversadùr del gradient tèrmich vertical marchen i confin infra i vari strat atmosferegh. 

El ciel l’è bleou per via de la [[diffusion del Rayleigh]] de la component bloeu del [[spèttro visibel]] de la [[radiazion solar]], de manemàn maggior adree al crèss de la densità de l’aria.

L'atmosfera terrèstra  la gh’ha nò on limit esterno nètt, ma la sfuma on poo a la volta vèrs el [[spazzi]], e ‘l sò [[color]] de manemàn el va del celest al bleou, fin al negher scur scur in del voeud in tra i pianètta.

=== Proprietàa fisich ===

El spessor de l'atmosfera terrèstra, segond i grandèzz dopràa de la fisica di particól, el po’ vèss crivùu inscì  <math>l \cdot \rho</math> indoe <math>l</math> a l’è l'altèzza dell'atmosfera e <math>\rho</math> a l’è la densità, inscì de tegnìi cunt de quantè el material el ven incontràa di particól che intravèrsen l’atmosfera. In del nòst cas l’atmosfera a l’è intraversada di [[ragg còsmich]] e ‘l sò spessor a l’è <math>l \cdot \rho = 1035 g/cm^2 </math>.
Quèst chì l’è l’istèss de circa 27 vòlt <math>X_0</math> , che l’è [[lunghèzza de radiazion]] ind l’aria con <math>X_0 = 36,66 g/cm^2</math>  e circa 11 vòlt la [[lunghèzza d'interazion adrònica]], definida 'me l'interazion d'on proton con l'aria: <math>\lambda_i = 90 g/cm^2</math> <ref>{{Cita web|url= http://pdg.lbl.gov/index.html |titolo= The Review of Particle Physics (particle data group)|lingua=en }}</ref>

=== Marej atmosferegh ===
I marej atmosferegh pussée important hinn ingeneràd soratutt ind la [[troposfera]] e ind la [[stratosfera]] indoe l’atmosfera la pò vèss scadada in manera periòdica grazie al fatt che ona part del [[vapor de acqua|vapor de l’acqua]] e del'[[ozòno]] la surbìss la radiazion. I marej generàa hinn peou bònn de propagàss de quèj region chì andando su fin a la [[Mesosfera (atmosfera)|mesosfera]] e a la [[tèrmosfera]]. I marej atmosferegh pòdenn vèss misuràa ‘me variazion regolar del [[vent]] , de la [[temperadura]], de la densità e de la pression. Impunemànch i marèj atmosferegh gh'abbìen tant in comun coi marej di ocean, i se desferenzien de quèj chì per dò caratteristich important: 

* prima de tutt a hinn provocàa del riscaldament de l’atmosfera per mèzz del [[sol]], inveci quèj di [[oceano|oceani]] hinn soratùtt provocàa del [[camp gravitazional]] de la [[luna]]. Donca la pupàrt di marej atmosferich gh’hann di perìod de oscillazion conligàa con la durada de 24 or del dì solar, inveci quèj de ocean gh’hànn di perìod pussée lungh de già ch’hinn conligàd cont el dì lunar (temp tra on passagg de la luna e quell adree) che l’è de circa 24 or e 51 minùt.

* se propaghen ind on'atmosfera indoe la densitàa la varia tant con l'altèzza. De conseguenza i oscillazion de la marea vegnen manemàn pussée grand come che  la marea la raggiòng di region semper pu srarìd de l’atmosfera. Al contrari, la densità di oceani la varia domà pòch con la profonditàa, e donca la gradèzza di oscillazion di marej la varia minga con la profonditàa.

Siben che el calor del sol el sia el reponsabil principal de quant i oscillazion di marej atmosferegh hinn ampi,  i [[camp gravitazionaj|camp gravitazional]] del Sol e de la Luna pròvochen anca lor di marej atmosferegh. Compagn de quèll che ‘l succed in di oceani i marej che succedden per via del camp gravitazional hinn anmò pussèe ampi de quèj ingeneràd del camp solar (de fàtt quèj chì pòden vèss consideràa trascurabil). 

A livèll del soeul, i marej atmosferegh pòden vèss di oscillazion piccol de la pression in su la superfice con perìod de 24 e 12 or. Tuttamanch, a altèzz maggior, i marej diventen molt grand. Ind la  mesosfera (altèzza de ~ 50 - 100&nbsp;km) i marej atmosferegh poden raggiòng ‘na velocità de 50 m/s e hinn despèss la càosa principal di moviment de l’atmosfera.

== Strat atmosferegh ==

Per comenzà, s’è sòlit a scompartì l’atmosfera in tre strat segond la sò [[composizion chimica]]:

* l<nowiki>'</nowiki>''omosfera'' comprésa tra el soeul e i {{M|100|ul=km}} de quòta indoe la composizion chimica média la se manten pressappòch costant<ref name=prop/><!-- vedi fig.1 nella fonte --> per via di mòt verticaj che messeden. L’è fada su soratutt de azòto, ossìgen e argon.<ref name=thermo>{{en}} [http://www.thermopedia.com/content/285 Thermopedia, "Atmosphere"]</ref> Ind l’omosfera gh’è dent el 99.999% de la massa de tutta l’atmosfera.<ref name=thermo/> 
* l<nowiki>'</nowiki>''eterosfera'' de la de i 100&nbsp;km de quòta, indoe se troeuva 'n‘alta concentrazion de [[atomo|atomi]] de ossìgeno ligàd nò insema in [[molecola|molecol]] (O), prodòtt per via de fenòmen de [[fotòlisi]];<ref name=thermo/>

* l'[[esosfera]], indoe a gh’è nò [[convezion]]  e el dòmina l’[[diffusion de materia|equilibri ind el fenòmen de la diffusion]], che ‘l fa in manera che la composizion chimica la vari con la quòta con ‘na presenza semper maggiora de gas legger compagn de l’[[elio]] e l’[[idrògen]] ciapàd su dal [[vent solar]] <ref name=thermo/> fin a sfumà in del quasi voeud del [[spazzi]]. 

De sòlit, se divid l’atmosfera segond i sò parametri principaj, infra i quai, el primm a l’è la temperadura.

=== Troposfera ===
{{varda anca|Troposfera}}
[[File:Atmosphere layers-it.svg|thumb|upright=0.7|I strat de l'atmosfera terrèstra.]]

A l’è el strat indoe i succeden quasi tucc i [[Meteorologia|fenòmen meteorològich]] e la gh’ha dent el 80% de la  massa di gas complessiva e 'l 99% del vapor de l’acqua: l'aria de la troposfera a l’è riscaldada da la superfice terrèstra e la gh’ha ‘na temperadura che la va giò con l'[[altèzza]] fin ai circa −55&nbsp;°C de la tropopausa. L'aria di strat pussée de bass, che la tend a ’ndà su, l’ingenera di grand [[convezion|corrent convettiv]] che originen i [[vent]] equatorial costant (i [[Aliseo|aliséi]]); quèll effètt chì el se mètt insèma al’inscì ciamàa "[[effètt Coriolis]]" caosàa del girament de la [[Terra|térra]], e tutt du ghe laoren adrée a la [[circolazion atmosferega]] e i [[Ciclon|perturbazion atmosferegh]].<ref name=thermo/>

La troposfera la gh’ha on spessor variàbel second la [[latitudin]]: ai [[pòlo geografegh|pòli]] la gh’ha on spessor in media de 8&nbsp;km inveci 20&nbsp;km sora l'[[equator]]. La pression atmosferega la va giò con l’altèzza second ‘na legg de prima approssimazion [[Funzion esponenzial|esponenzial]]; oltra i 7–8&nbsp;km de quòta la pression a l’è inscì bassa che a se riéss pu a respiràa senza doperàa i mascher conligàd cont i bómbol de ossìgen.

A andà su in quòta oltra i 5 km, minga domà la pression e la temperadura, ma anca contegnùu de [[vapore de acqua|vapor de l’acqua]] de l'aria el diminuiss,<ref name=prop/> inveci sòta i 5 km l'umidità la va su con la distanza dal soeul.<ref name=prop/> De on cèrt pont la temperadura la se stabilizza a circa −55&nbsp;°C : a l’è la [[tropopausa]], la zona de passàgg infra la troposfera e la stratosfera.<ref name=thermo/>

La paròla ''troposfera'' la ven dal [[lengua greca antiga|grècch]] τρόπος (''trópos'') che ‘l voeur dì "variazion, cambiament" proppi perchè dent in 'sta sfera chì se troeuven tutt quèj mòti d’aria verticaj e orizzontaj che messesen l’atmosfera medésima e caratterizzen la variabilitàa del [[Temp (meteorologia)|temp atmosferegh]].
La troposfera a l’è ancasì el loeugh de la [[vita]], minga domà di fenòmen meteorologich: tucc i [[Plantae|piant]] e tucc i vèss vivent i ghe viven denter e doperen i gas che le fann su, oltra a profittàa de la [[radiazion solar]] che la riva giò al soeul.

=== Stratosfera ===
{{varda anca| Stratosfera}}

A l'è el strat atmosferegh che ‘l stà sora la [[troposfera]] e ‘l riva fin a ‘n’altèzza de 50–60&nbsp;km. Chichinscì a gh'è el fenòmen de l’ [[inversadura tèrmica]]: ind la  troposfera la temperadura  la va giò con l'altezza, inveci ind la stratosfera la va su, fin a la temperadura de 0&nbsp;°C. Quèst fenòmen chì l’è caosàa de la  presenza d’on strat de [[ozòno]] (molecola de tri [[Atom|atomi]] de [[ossigen]]), l'[[ozònosfera]], che la surbiss su la pupàrt di radiazion solar [[Radiazion ultraviolètta|ultraviolètta]] (UV) (circa el 99%). In on quaj sit de l’ozònosfera el strat de ozòno l’è vegnùu tròpp suttil (fenòmen del [[bus del’ozòno]], scopèrt ind la zòna [[Antartide|antartica]]) iscì che l’è pu bon de dà  assée protezion di ragg ultra-violètt che, in quèj conidizion chì, riessen a rivà in gran quantità al soeul terrèster.

Sti ragg chì, i ghe fànn di dagn seri ai [[Plantae|vegetaj]] e in general a tucc i organismi vivent. I dagn per l’òmm pòden vèss i [[tumor]] de la [[pèll]] e [[el vèss òrb|el vegnì òrb]], per via di dagn a la [[retina]] di quai a se pò pu tornà indrèe. Ind la stratosfera i component hinn semper pussee srarìi, el vapor de l’acqua e ‘l [[Particolàa|pulviscol atmosferegh]] diminuissen; gh’è ancamò on quaj rar fenòmen meteorològich e di particolar tipi de nivol (per esempi i [[nivol de madrèperla]]).

=== Mesosfera ===
{{varda anca|Mesosfera (atmosfera)}}

In sta zòna chì, che la va dai 50 ai 90&nbsp;km de quòta, l'atmosfera la subìss pu l’effètt de la superfice terrester e l’è l’istèssa a tucc i latitidin. A l’è caratterizzada de element gazos srarìi fiss e de ‘n’aument de quèj pussée legger, inveci quej pussée pesant diminuissen. In 'sta part chì de l'atmosfera la temperadura la taca ancamò a’ndà giò con l’altèzza e la riva al so valor pussa bass, variabel tra i −70 ed i −90&nbsp;°C, a circa 80&nbsp;km; a 'sta quòta chi se pòden notà di vòlt i [[nivol nòtt-sberlusent]], fàa su  probabilment de [[cristall di giazz]] e [[Particolaa| polver piccolissim]]: a se pòden vedè d’[[estaa]], al [[crepuscol]] e se presenten ‘me nivol suttil e sberlusent, inluminàa con vigor di ultim ragg del Sol.De l'aspet de che quèi nivol chì, se capiss che a gh’è on complèss de corrent aerej, de andadura variabel, che la riva a di velocità fin a {{M|300|ul=km/h}}km/h.

I variazion de altèzza de la mesopausa dependen de 'sti mòti chì, compagn de quèll che ‘l succed ind la tropopausa e ind la  stratopausa. In sti condizion chì i gas se mèten a strat per el fenòmen fisich de la [[diffusion]] e la composizion chimica de l’aria la cambia con la quòta. El [[Anidride carbònica|biossid de carbòni]] el descompar a la svèlta, el vapor de acqua anmò pussée in prèssa e anca la percentual de ossigen la taca a andà giò con la quòta. I percentual de gas legger ‘me l’[[elio]] e [[idrògen]] van su. L'effètt de  riscaldament de l'ozòno l’è finìi e la temperadura la diminuiss menemàn che la quòta la va su fin che la se stabilizza al confin de sora de la mesosfera (−80&nbsp;°C ind la [[mesopausa]]).

In quèll strat chi se formen i  "[[stell che se mocchen]]", o ben i piccol [[meteorit|meteorit]] che de sòlit riessen nò a rivà in su la superfice terrèstra e brusen innanz de rivà giò in tèrra,cont el lassà di fris sbarlusent. De la de la mesopausa, alla quòta de circa 100&nbsp;km, l'aria l’è inscì srarìda che la fa pu resistenza palpabil contra el [[mòto (fisica)|mòto]] di còrp, e ‘l diventa possibil a moeuves de ''mòto òrbital''. Per 'sta reson chì, in [[astronautica]] la mesosfera l’è considerada el confin cont el Spazzi.

=== Tèrmosfera ===
{{varda anca|Tèrmosfera}}

La tèrmosfera è el strat dòpo la Mesosfera. La temperadura, dòpo che l'è andada già ind la mesosfera, la taca de noeuv a cress con la quòta. A prtì di dat sperimental, se dis che a ‘n’altèzza de circa 300&nbsp;km la temperadura la sarìss de 1000&nbsp;°C. L’è paradossal che i astronauta che se troeuven a quèll’altèzza chi gh’abbien de mètt su di tòni riscaldà per minga morìdel frècc nonostant che el gas che gh’è intorna gh’abìa ‘na temperadura maggiora de quèlla di tòni e donca ghe ceda el [[calor]]. La reson de quèll fàtt chì a l’è che l’aria l’è tant srarida che la quantitàa de calor che la pò ced a al tòni per [[conduzion]] l’è sossènn inferiora de quèlla che ‘l tòni el mòlla per [[irradizion]] 

=== Ionosfera ===
{{varda anca|Ionosfera}}

La ionosfera a l’è el strato de atmosfera indoe i gas atmosferegh  hinn [[ione|ionizzàa]]: la fa su i strat esterni de'atmosfera, indoe che, quand che la radiazion solar la riva, la ghe strèppa via i [[elettron|elettron]] ai atomi e ai molecol. La gh’ha dent, in del so insèma, ‘na frazion minima de la  massa gazosa atmosferica, circa domà el 1%  (l’è srarìda fiss), ma la gh’ha on spessor d’ona quaj centèna de chilometri e la surbiss ‘na bona part di radiazion ionizzant che vegnen del spazzi. La temperadura in quèll strato chì la va su con l'altèzza, per l'[[irradiazion]] del sol, e la riva ai 1700&nbsp;°C al sò limit esterno. 
La gh’ha ‘na struttura a bind, divis in del cors del dì per via de la fòrta radiazion solar che la preferiss de ionizzà gas divèrsi a quòt divèrsi: de nòtt, quajvuna de sti bind chì la mètt insèma, inscì che la riflettività radio de la ionosfera l’aumenta. 

Infra la mesopausa e la ionosfera succeden i [[auròra polar]].

La composizion chimica l’è anmò compagna de quèlla media, dòminen l’azòto e l’ossigen, ma la cambia manemàn che se va su in altèzza. A la quòta de circa 550&nbsp;km, sti du gas chì hinn pu i component principaj de l’atmosfera, ma vegnen desfesciàa de l’idrògen.
 
La ionosfera la gh’hà ‘na granda importanza in di  telecomunicazion perché l’è in bona de riflètt i ond radio, de già che je ajuta a propagàss oltra l’orizzont visìbel: tra i 60 e i 80&nbsp;km vegnen riflettùd i [[ond longh]], tra i 90 e i 120 i [[ond medi]], tra i 200 e i 250 le [[ond curt]], tra i 400 e i 500&nbsp;km i ond curtissim.

=== Esosfera ===
{{varda anca|Esosfera}}

A l’è la part pussée de foeura de l’atmosfera terrèstra, indoe la composizion chimica la cambia del tutt. L'esosfera la gh’ha minga on vèr confin de sora e la sfuma manemàn vèrs el spazzi inter-planetari fin anca a ‘vègh denter ‘na part di [[fass del van Allen]]. Denter ind l’esosfera a se pò dissegnà ona linea ideàl  (molto arbitraria e variàbel  e donca minga reconossoda officialment) ‘me confin de la zòna indoe la [[forza de gravità]] l’agìss (''franza atmosferega''), de là de la qual on oggètt el subìss pu la forza de gravità terrèster e ‘l scappa via in del spazzi. I sò costituent, ‘me giamò dìtt, hinn soratutt l’idrògen e l’elio, in maggioranza vegnùu foeura di partìcol del vent solar tiraà denter  da la [[magnetosfera]] terrèster (l'idrògen qualora el sia mandàa foeura da la Terra el sariss minmga bon de rivà a ona tal altèzza: el se òssida in acqua se non alter quand che ‘l raggiòng l'ozonosfera).

Con di metod de osservazion indirètt e di càlcol teòrich a se oten che la temperadura de l'esosfera la va su con l'altèzza fino a rivà, o ancasorpassà i 2000&nbsp;°C (de [[temperadura cinetica]]). A càosa de sta temperadura chì,ona quaj molecola la raggòng la [[velocità de fuga]] terrèster ({{M|11,2|ul=km/s}}) e la scappa via in del spazzi foeura de l’atmosfera,.

==Influenz terrèster in su l'atmosfera==
===Influenza di giazzee polar===
I [[giazzee]] influenzen el [[clima]] de tutt el [[Terra|pianètta]] per divèrsi resón:<ref name="giuliacci141">{{cite book|url=https://books.google.it/books/about/Manuale_di_meteorologia.html?id=SiVEdN1Pxt0C&redir_esc=y |title=Manuale di meteorologia |author=Mario Giuliacci |author2=Paolo Corazzon |pages=141|date=2010|isbn=88-483-1168-7|publisher=Alpha Test|language =italian }}</ref>
*[[albedo]]: per via del sò elevàa [[albebo]], l'[[aria]] sora i [[giazzee]] a l'è pussée frèccia de l'aria sora di alter tipi de superfici;
*differenz de [[temperdura]]: i differenz de temperadura infra i zòn con i [[giazzee]] e quèj senza i ruzen i mass d'aria a moeuves, in particolar i rinfòrzen la [[corrent a gètt]];
*[[Irregolarità de la salinità]]: Quand che i [[giazzee]] se deslenguen la sò acqua la finìss in de l'[[oceano]], insci la [[salinità|concentrazion del sal]] la se sbassa, e quèst el ghe dà contra del meccanismo che fa andà i [[corrent marin]] per mèzz di divèrsi concentrazion de [[sal]].

===Influenza di giazzee terrèster===
Quand che i [[giazzee]] terrèster quatten el soeul ne ridusen la quantitàa de ròcc liber disponibil per l'[[assorbiment]] de l'[[anidride carbònica]]. Se ghe n'è pussèe de giazzee, la ven tirada via de men de l'atmosfera l'[[anidride carbònica]] de l'atmosfera, e donca se gh'avarà pussée de [[effètt sèrra]] (de già che l'anidride carbònica a l'è on [[gas sèrra]]), l'aument de l'effètt sèrra el fa de manera de 'vègh men giazzee e donca pussèe de anidride carbònica tirada via de l'atmosfera, donca men [[effètt sèrra]], donca pussèe de giazzè. A l'è on ciclo a retroazion negativa.<ref name="giuliacci142">{{cite book|url=https://books.google.it/books/about/Manuale_di_meteorologia.html?id=SiVEdN1Pxt0C&redir_esc=y |title=Manuale di meteorologia |author=Mario Giuliacci |author2=Paolo Corazzon |pages=142|date=2010|isbn=88-483-1168-7|publisher=Alpha Test|language =italian }}</ref>

Inscambi, in del caso de la [[tundra]], però i giazzee che se deslenguen fànn de manera de trasformà la tundra ind on [[padù]] indoe a se ingenera el [[metano]] ch'a l'è on [[gas sèrra]].<ref name="giuliacci142"/>

===Influenza di bosch===
I bosch, cont el procèss de la [[fotosintesi clorofilliana]] contribuìssen a trà foeura l'anidride carbònica de l'atmosfera; ancasì i bosch fànn andà su el fluss de [[vapor de acqua]] vèrs l'atsmosfera. Soratùtt in di clima cald, indoe la [[svapo-traspirazion]] di piant a l'è alta, la presenza di piant la fà cress anca la possibilità de formazion di [[nivola|nivol]].<ref name="giuliacci142"/>

===Influenza di vulcan===
I eruzion di vulcan mètten denter ind l'[[atmosfera terrèstra]] on mucc de [[aerosòl]], che 'l sò effètt principal a l'è quèl de fermà la [[radiazion solar]] dirètta vèrs el [[soeul]], inscì de sfreggì pussée l'atmosfera de sòta. I aeròsol miss denter per via di eruzion vulcanich de [[diametro]] minor de 5 [[μm]] (de già che i partìcol che se mettèn in mèzz a dispèrd la radiazion in quèj che gh'hànn 'na lònghezza d'onda compagna de lee d'accòrd con la [[leg del Mie]] e la [[leg del Rayleigh]]) hinn bònn de [[diffusion òttica|dispèrd]] la radiazion solar ma minga quèlla terrèster che inveci l'indùsariss l'[[effètt sèrra]]. Per 'sti resón chì la [[temperadura]], per via di eruzion vulcanich, la se sbassa. I vulcan però mètten denter ind l'atmosfera di [[solfaa]] ch'hinn bònn de trasformà i [[clòrofluòrocarburi]] in di sostanz anmò pussée bònn de destrugà al strat de ozòno (favorissen donca el [[bus del'ozòno]]). <ref name="giuliacci143">{{cite book|url=https://books.google.it/books/about/Manuale_di_meteorologia.html?id=SiVEdN1Pxt0C&redir_esc=y |title=Manuale di meteorologia |author=Mario Giuliacci |author2=Paolo Corazzon |pages=143|date=2010|isbn=88-483-1168-7|publisher=Alpha Test|language =italian }}</ref>

Con la fórmola chì de sota a l'è possibil valutà la riduzion de l'intensità de la radiazion caosàda di eruzion di [[vulcan]]:<ref name="giuliacci144">{{cite book|url=https://books.google.it/books/about/Manuale_di_meteorologia.html?id=SiVEdN1Pxt0C&redir_esc=y |title=Manuale di meteorologia |author=Mario Giuliacci |author2=Paolo Corazzon |pages=144|date=2010|isbn=88-483-1168-7|publisher=Alpha Test|language =italian }}</ref>

<math> I_x=I \cdot e^{-2n \pi r2x}  </math>

indoe:
:'''I''' a l'è l'intensità de la radiazion incidenta innanz de la nivola vulcanica;
:'''Ix''' a l'è l'intensità de la radiazion che la riva giò al soeul dòpo de vègh intraversà la nivola vulcanica;
:'''n''' a l'è el numer di partìcol per centimeter cubo de nivola;
:'''r''' a l'è el [[ragg]] di partìcol in centimeter;
:'''x''' a l'è el spessor de la nivola volcanica in centimeter.

===Influenza di attivitàa de l'òmm===
L'òmm cont i sò attività (soratutt la [[combustion]] e quand che vegnen toeu giò i alber) mètt dent ind l'atmosfera di gas che pròvochen l'[[inquinament atmosferegh]] e i sò conseguenz negativ compagn de:<ref name="giuliacci144-156">{{cite book|url=https://books.google.it/books/about/Manuale_di_meteorologia.html?id=SiVEdN1Pxt0C&redir_esc=y |title=Manuale di meteorologia |author=Mario Giuliacci |author2=Paolo Corazzon |pages=144-156|date=2010|isbn=88-483-1168-7|publisher=Alpha Test|language =italian }}</ref>
*l'[[effètt sèrra]] e [[riscaldament global]]
*la [[Pioeuva acida|pioeuva àcida]]
*i alterazion del [[clima]];
*la sbassada de la [[visibiltà]].
{{varda anca|Inquinament atmosferegh|Gas sèrra|Effètt sèrra}}

== Evoluzion de l'atmosfera terrèstra ==
{{...}}
== Riferiment ==
<references/>

== Bibliografia ==
* {{cita libro | autore=Richard A. Craig |autore2= Laura Felici| titolo= Alla soglia dello spazio | editore=[[Zanichelli]]| anno= 1973 | url= http://books.google.it/books?id=XqRTcgAACAAJ}}

== Vos correlàa ==
* [[Atmosfera]] 
* [[Biosfera]]
* [[Fisica de l'atmosfera]]
* [[Chimica atmosferega]]
* [[Meteorologia]]
* [[Idrosfera]]
* [[Litosfera]]
* [[Terra]]
* [[Effètto sèrra]]
* [[Riscaldament global]]
* [[Oscurament global]]
* [[Dispersione di inquinant in atmosfera]]
* [[Inquinament atmosferegh]]
* [[Prospettiva aerea]]
* [[Aviazion]]
* [[radiazion atmosferega]]
== Ligamm de foeura ==
* {{Cita web|1=http://modelweb.gsfc.nasa.gov/spdf_models_home.html#atmo|2=NASA atmosphere models|lingua=en|accesso=13 febbraio 2013|urlarchivio=https://web.archive.org/web/20130213212917/http://modelweb.gsfc.nasa.gov/spdf_models_home.html#atmo|dataarchivio=13 febbraio 2013|urlmorto=sì}}
* {{Cita web|http://nssdc.gsfc.nasa.gov/planetary/factsheet/earthfact.html|NASA's Earth Fact Sheet|lingua=en}}
* {{Cita web|http://atmospheres.agu.org/|American Geophysical Union: Atmospheric Sciences|lingua=en}}
* {{Cita web|http://www.srh.noaa.gov/srh/jetstream/atmos/layers.htm|Gli strati atmosferici|lingua=en}}
* {{Cita web|http://amsglossary.allenpress.com/glossary|Il glossario di meteorologia AMS|lingua=en}}
* {{Cita web|http://des.memphis.edu/lurbano/Geog1010/Fall05/chapter_03/chapter_03.html|Slides che descrivono la moderna atmosfera terrestre|lingua=en}}

[[Categoria:Meteorologia]]