Codes sorgent per El Niño

{{MILCLASS}}
'''El Niño''' a l’è ona irregolarità de la [[circolazion atmosferega]] rispètt a la soa situazion normàl, caosàa del riscaldament superficiàl de l'acqua de l'[[Océano Pacìfich|Oceano Pacifich]].L'è ciamaa El Niño perché el riva despèss sòta [[Natal]], e in spagnoeu El Niño el voeur di el Bambin Gesù. 
==Svolgiment del fenòmen==
===La situazion normal===
La situazion normàl del [[Pacìfech|Pacifich]] sòta i [[tròpich]] l’è ciamada [[circolazion del walker|circolazion del Walker]] e l’è tal che adrée a i còst de l’[[Australia]] e de l’[[Indonesia]] la [[temperadura]] superficial de l’acqua del mar l’è maggiora del quèlla di còst de l’[[America]] del sud. Per quèlla resón chì a se originen di [[Corrent ascendenta|mòti ascendent]] e de conseguenza la pression la se sbassa e in corrispondenza di mòti verticaj succeden di [[precipitazion]]. Inscambi in sui còst de l’[[america]] del sud la [[temperadura]] l’è pussée bassa. L’è inscì sia perché lilinscì la corr via la [[corrent de l'Humboldt|corrent marina de l'Humboldt]], sia per via del fenòmen de la [[salida di acqui profond]], sia perché i [[Alisèi]] ruzen vèrs òvest el strat superficiàl pussée cald (e tra l’alter fànn alzà el livèll del mar a òvest de 50 [[Ghel|cm]]). La differenza de temperadura l’ingenera ona [[Convezion#Corrent convettiv in meteorologia|circolazion convettiva]]. <ref name="giuliacci366-368">{{cite book|url=https://books.google.it/books/about/Manuale_di_meteorologia.html?id=SiVEdN1Pxt0C&redir_esc=y |title=Manuale di meteorologia |author=Mario Giuliacci |author2=Paolo Corazzon |pages=366-368|date=2010|isbn=88-483-1168-7|publisher=Alpha Test|language =italian }}</ref>
===L’irregolarità de El Niño o espòdi cald de ENSO===
El Niño l’è ciamà in manera complètta '''El Niño-oscillazión meridionàl'''     (e ‘l gh’hà ‘me sigla ENSO, de la [[lengua inglesa]] El Niño southern oscillation) perché l’è ona irregolarità caosada de l'oscillazion de la differenza de la [[pression atmosferega|pression]] tra i còst orientàj e occidentaj de l’[[Océano Pacìfich|Oceano Pacifich]] meridionàl. Defàtt se el càpita che se scalden tròpp i còst del Pacifich oriental (o ben quèj americàn) per via de l’incapacità de l’[[oceano]] de desfescià el calor, i [[corrent ascendenta|corrent verticaj]] se spòsten pussée a èst e anca i nìvol se foeurmen pussée a èst. A se ingenera poeu la soppression di [[alisèj]] che la fa vegnì su ‘na reazion a cadèna che in del cas lìmit l’ingenera di [[inondazion]] in [[America]] del sud e sècch in [[Oceania]]. El Niño el succed tucc i ann a la fin de [[dicember]], ma  succeden di episòdi periòdich de El Niño che duren fin a 12-18 mes. <ref name="giuliacci368">{{cite book|url=https://books.google.it/books/about/Manuale_di_meteorologia.html?id=SiVEdN1Pxt0C&redir_esc=y |title=Manuale di meteorologia |author=Mario Giuliacci |author2=Paolo Corazzon |pages=368|date=2010|isbn=88-483-1168-7|publisher=Alpha Test|language =italian }}</ref>
===L’irregolarità de La Niña o espòdi frècc de ENSO===
La Niña a l’è el fenòmen a l'incontrari de El Niño, e ‘l consist ind ona accentazion de la [[circolazion del Walker]]. De conseguenza a ghe sarànn pussée [[precipitazion]] in [[Australia]] e [[Indonesia]] e pussée sècch in Sud [[America]]. La Niña la succed de sòlit a la fin de on episodi fòrt de El Niño. <ref name="giuliacci370">{{cite book|url=https://books.google.it/books/about/Manuale_di_meteorologia.html?id=SiVEdN1Pxt0C&redir_esc=y |title=Manuale di meteorologia |author=Mario Giuliacci |author2=Paolo Corazzon |pages=370|date=2010|isbn=88-483-1168-7|publisher=Alpha Test|language =italian }}</ref>
==Indes de l'oscillazion meridional==
Per descriv el fenòmen del El Niño a se doperen di ìndes, in particolar l'indes de l'oscillazion meridional (SOI, de la [[lengua inglesa]] Southern Oscillation Index)

<math> SOI =[P (Thaiti) - P(Darwin)]</math><ref name="giuliacci366">{{cite book|url=https://books.google.it/books/about/Manuale_di_meteorologia.html?id=SiVEdN1Pxt0C&redir_esc=y |title=Manuale di meteorologia |author=Mario Giuliacci |author2=Paolo Corazzon |pages=366|date=2010|isbn=88-483-1168-7|publisher=Alpha Test|language =italian }}</ref>

che l'è la differenza de la [[pression atmosferega]] tra [[Thaiti]] e [[Darwin]].

La Niña ←→ SOI<0

El Niño ←→ SOI>0

A gh'è anca di alter ìndes come l'[[indes de ENSO multivariaa]]

==Effètt in su la pèsca==
Con la suppression di [[Alisèi]] el ven pu ras’ciada la superfice di acqui in sui còst del sud America grazie a la quàl la succedeva la [[salida di acqui profond]] e donca di sostanz nutrient. I pess gh’hànn pu de mangià e moeuren.

==Effètt in sul clima del pianètta==
[[File:El-nino.png|upright=2|thumb|irregolarità de la temperadura in del cors de El Niño del [[dicember]] del[[1997]]]]
A gh’è di ligamm tra el fenòmen ENSO e di  variazion periòdich del clima in di region lontan ([[Teleconnession climatich]]). I effètt de El Niño hinn: <ref name="giuliacci372-374">{{cite book|url=https://books.google.it/books/about/Manuale_di_meteorologia.html?id=SiVEdN1Pxt0C&redir_esc=y |title=Manuale di meteorologia |author=Mario Giuliacci |author2=Paolo Corazzon |pages=372-374|date=2010|isbn=88-483-1168-7|publisher=Alpha Test|language =italian }}</ref>
*di [[pioeuva|pioeuv]] bondant anormaj in [[Brasile]],  [[Argentina]], zòn montagnos di [[Stat Unii|USA]], [[Africa]] equatorial;
*brusècc in del center de l’[[America]] e sud de l’[[Africa]];
*di fòrt ondàd de cald in del sud-èst de l’[[Asia]] e in del [[Giappon]];
*di [[temperadura de l'aria|temperadur]] sòta la nòrma in di paes del [[golfo del Mèssico]];
*l’indeboliment di [[Monson]] in [[India]];
*l’aument del numer di [[uragan]] sora el [[Pacìfech|Pacifich]].
I effètt de La Niña hinn: <ref name="giuliacci372-374"/>
*brusècc in [[Brasile]], [[Argentina]], zòn montagnos di [[Stat Unii|USA]], [[Africa]] equatorial;
*di precipitazion bondant anormàj in del center de l’[[America]] e in del sud de l’[[Africa]]
*frècc insòlit in del sud-èst de l’[[Asia]], el sud-èst de l’[[Africa]] e ‘l [[Giappon]];
*di ondàd de cald sora i paes del [[golfo del Mèssico]]
*l’accentazion di Monson in [[India]]
*l’aument di [[uragan]] in de l’[[Océano Atlàntich|Oceano Atlantich]]
In Italia i [[estaa]] quand che ‘l càpita El Niño hinn de sòlit pussée cald. <ref name="giuliacci372-374"/>
==Riferiment==
<references/>
{{Lista1000}}

[[Categoria:Meteorologia]]
[[Categoria:Climatologia]]
[[Categoria:Circolazzion atmosferega]]