Codes sorgent per PH

{{MILCLASS}}
{{Titol minuscol}}
{{Varda che bel}}
El '''pH''' a l’è ‘na ''grandèzza fisica'' che l’indica l'[[Acid|acidità]] (oppur la [[Bas|basicità]]) de on [[gas]] e de on [[liquid]]. 

El sìmbol "pH" a l’è staa inventà in del [[1909]] del chimich [[Danimarca|danés]] [[Søren Sørensen]].<ref>{{Cita|Silvestroni|p. 424}}.</ref>

Il tèrmen '''''p''''' (operadór) a l’è el sìmbol de dò operazion matemàtich in su l’[[Attività (chimega)|attività]] del [[cation]] [[ossòni]] in [[soluzion acquosa]]: a se fa innanz el [[logaritm]] in base 10 de l'attività e poeu a ghe se mètt el sègn men denanz. Per i proprietà di logaritm, a s'ottèn el medésim risultàa anca cont el calcolà el logaritm del reciproch de de l’attività di [[ion]] [[ossòni]]. 

Donca a se definiss inscì:<ref>{{en}} [http://goldbook.iupac.org/P04524.html IUPAC Gold Book, "pH"]</ref> )

: <math> pH = -\log_{10} a_{H^+} = \log_{10} {\frac {1} { a_{H^+} }} </math>

indoe  '''''a'''''<sub>H<sup>+</sup></sub> la rappresenta l'attività di [[Ion ossòni|catión ossóni]]. L'attività di ión ossòni a l’è ‘na grandèzza senza unitàa de misura, defàtt a l’è definibil inscì in tèrmen de [[concentrazion molar]] di ion ossòni: )

<math> a_{H^+} = \gamma \frac{[H_3O^+]}{C^0_{H^+}} </math>

‘doe <math> [H_3O^+] </math> a l’è la [[Concentrazion de quantità de sostanza|concentrazion molar]] di catión ossòni, <math> C^0_{H^+} </math> l'è la concentrazion molar unitaria (misa dent domà per fa de manera che l’argoment del logaritm el sia senza [[unitaa de misura]]) e <math> \gamma </math>  a l’è el '''coefficient molar de attivitaa''', on parametro senza unitàa de misura che ‘l misura i deviazion de la condizion ideàl caosàd soratùtt di interazion elèttrostatich intrai [[ion]] in [[soluzion]]. 

El coefficient de attività el tend a l'unità (e donca l'attivitàa la se vesina a la concentrazión molar di cation ossòni) per di soluzion acquos slongàd assée (≤&nbsp;0,1&nbsp;[[Molarità|mol/dm³]]). In quèj condizion chì, l'equazion de prima la pò vèss semplificada inscì: 

: <math> pH = -\log_{10} \frac{\left [ H_3O^+ \right ]}{C^0_{H^+}} = \log_{10} {\frac {C^0_{H^+}} {\left [ H_3O^+ \right ] }} </math>

Ancabén el sia minga giust del ponto de vista matematich, a l’è  d’usanza, per resón de curtèzza, de tralassà l’indicazion de la concentrazion unitaria ind l’argoment del logaritm (ma cont el suppònn comunque la soa presenza) e scriv el pH domà in quèlla manera chì:

<math> pH = -\log_{10} [ H_3O^+] </math>

De convenzión, el pH di [[Soluzion acquosa|soluzion acquos]] l’assumm di valór infra 0 (acidità màssima) e 14 (basicità massima). La condizion de neutralità la corrispónd al valór de mèzz, 7, tipich de l'[[Acqua distillada|acqua pura]] a 25&nbsp;°C.

El pH el poò vèss misuràa per via elèttrica, cont el sfruttà el potenziàl creàa de la differenza de concentrazion de [[ion idrògen]] in su i du lati de ‘na membrana de [[veder]] (vedée [[Peaccameter|peaccàmeter]]), oppùr per via chimica, cont el sfruttà la capacità di quaj sostanza (ciamada [[Indicador (chimega)|indicadór]]) de cambià el sò color in funzion del pH de l'ambient 'ndoe l'è. De nòrma, chi sostanz chì hinn doperàd in [[soluzion]], compagn per esempi de la [[fenòlftaleina]] e ‘l [[bloeu de bromotimòl]].

Despèss i [[Indicador del pH|indicadór]] vegnen doperàa anca sora di band de carta ( i inscì ciamàd "[[Indicador universal|cartinn indicadór universàl]]"), che cambien el sò colór quand che vegnen pocciàa denter in di sostanz [[Acid|àcid]] o [[Bas|basich]]. L’esempi pussée comun a l’è quèll di " [[Cartinn de tornasol|tornasól]]", de colór [[roeusa]] in ambient àcid e [[azur]] in ambient alcalin.(

== Acidità e basicità di soluzion acquos ==
{| class="floatright" style="border: 1px solid #a2a9b1;"
|+ style="font-weight: bold" |Valór rappresentativ de pH
!Sostanza
!pH
|-
|[[Acid cloridrich]] 1 M
| style="text-align:center; background:#6E2233; color:white;" |0
|-
|[[Sugh gastrich]]
| style="text-align:center; background:#B22222; color:white;" |1,0 – 2,0
|-
|[[Coca Cola]] e succh de [[Limon]]
| style="text-align:center; background:#F00; color:white;" |2,5
|-
|[[Asee]]
| style="text-align:center; background:#F60" |2,9
|-
|Succh de [[naranz]]
| style="text-align:center; background:#F90" |3,7
|-
|[[Birra]]
| style="text-align:center; background:#FC0" |4,5
|-
|[[Pioeuva acida]]
| style="text-align:center; background:#FC0" |4,5 - 4,8
|-
|[[Cafè]]
| style="text-align:center; background:yellow" |5,0
|-
|[[Tè]] e [[pell|pèll]] sana
| style="text-align:center; background:yellow" |5,5
|-
|[[Acqua deionizzada]] a 25 [[Celsius|°C]]
| style="text-align:center; background:yellow" |5,5 - 6,0
|-
|[[Peròssid de idrogeno|Acqua ossigenada]]
| style="text-align:center; background:#BFFF00" |6,2
|-
|[[Latt]] ben conservàa
| style="text-align:center; background:#BFFF00" |6,5 - 6,7
|-
|[[Acqua distillada]] a 25 [[Celsius|°C]]
| style="text-align:center; background:#0F0" |7,0
|-
|[[Saliva|Saliva umana]] normàl
| style="text-align:center; background:#0F0" |6,5 – 7,5
|-
|[[Sangh]]
| style="text-align:center; background:#0C9" |7,35 - 7,45
|-
|Acqua de [[piscina]] regolàr
| style="text-align:center; background:#0C9" |7,2 - 7,8
|-
|[[Acqua de mar]]
| style="text-align:center; background:#0C9" |7,7 – 8,3
|-
|[[Bicarbonaa de sòdi]]
| style="text-align:center; background:#007FFF; color:white;" |8,31
|-
|[[Savon|Savon alcalin]]
| style="text-align:center; background:#007FFF; color:white;" |9,0 - 10,0
|-
|[[Amoniaca]]
| style="text-align:center; background:blue; color:white;" |11,5
|-
|[[Ipoclorii de sòdi]]
| style="text-align:center; background:#00C; color:white;" |12,5
|-
|[[Lessiva]]
| style="text-align:center; background:#009; color:white;" |13,5
|-
|[[Idròssid de sòdi]] 1 M
| style="text-align:center; background:#4B0082; color:white;" |14
|}
L'[[acqua]] distillada, (senza [[sal]] e sostanz vari, a differenza de quèlla del rubinètt o di bott'li) l’è minga on bon [[elèttrolit]], cioè la mena nò la [[corrent elèttrica]], de già che la gh’hà denter domà ona quantità piscinina de [[ion ossòni]] (con carega positiva) e ossidril ( on carega negativa), per via de la reazion de [[autoprotòlisi]] de l’acqua segond quèll equilibri chì:

: <math>H_2O + H_2O \rightleftharpoons H_3O^+ + OH^-</math>

Per i soluzion solngàd, ‘doe l’è giust tiràgh vesin l’attività ai concentrazión, la '''costanta de [[autoprotolisi]]''' a l’è eguàl del prodòtt di concentrazion di ion [[ossidril]] e [[ossòni]]: 

<math>K_w=[H_3O^+][OH^-]</math>

El valór de Kw de l’acqua distillada a 25&nbsp;°C e 100 kPa (condizion standard) a l’è pari a 1,0 x 10<sup>−14</sup> [[Mòl|M]]<sup>2</sup>.

Ind l'acqua pura a 25&nbsp;°C la condizion de elettroneutralità combinada con l’equilibri de l'autoprotolisi l’impònn che la concentrazion di ion H<sub>3</sub>O<sup>+</sup> e OH<sup>-</sup> che vegnen de la separazion de l’acqua de l’acqua la risulta

: [H<sub>3</sub>O<sup>+</sup>] = [OH<sup>-</sup>] = {{M|1|e=-7}} M

corrispondenta al ''pH = 7'', che l’indica la neutralità.

De già che la costanta de autoprotolisi la cambia insèma a la [[temperadura]], quèlla concnetrazion chì la varia cont el varià de la temperadura, e per quèst i calcol l'è mèj che se riferìssen a la temperadura standard  25&nbsp;°C.

Poiché l'aggionta de ‘n’[[acid]] o d’ona [[bas]] a l'acqua l’aumenta o la diminuiss, la concentrazion di ioni [H<sub>3</sub>O<sup>+</sup>] rispètt al valore de la neutralità, ona [[soluzion]] (a 25&nbsp;°C) la se ciamarà:

* '''Acida''' quand che [H<sub>3</sub>O<sup>+</sup>] > 10<sup>−7</sup> M
* '''Neutra''' quand che [H<sub>3</sub>O<sup>+</sup>] = 10<sup>−7</sup> M
* '''Alcalina''' quand che [H<sub>3</sub>O<sup>+</sup>] < 10<sup>−7</sup> M

‘Na manera pussée sempliz de esprìmm l'acidità o alcalinità d’ona soluzión a l’è la ''funzion pH'', descrivùda in de l'introduzion. L'utilizzazion de la funzión pH a l’è molto ùtil, de già che la permètt de restrèng l’intervàll in su ‘na scala de valór numerich. Donca l’utilizzazion de la funzion pH la permètt de dì che (a 25&nbsp;°C) ’na soluzion a l’è:<ref>{{Cita|Silvestroni|p. 425}}.</ref>

* '''Acida''' se el pH l’è < 7
* '''Neutra''' se el pH l’è = 7
* '''Basica''' se el pH l’è > 7.

Ona misura fada a la svèlta del pH a l’è possibil cont i inscì ciamàd [[Indicador universal|cartinn indicador universal]], ch'a hinn di fass suttil o di naster de carta ingravidàd d’ona mes’ciada de divèrsi [[Indicador (chimega)|indicador]]. Quand che hinn sùcc a hinn de colór [[giald]], ma quand che vegnen espòst a ‘na [[Soluzion (chimega)|soluzion]] acquosa ''àcida'' o ''basica'' cambien el so colór in funzion del pH de la soluzion: 

* [[Vioeula]]/[[ross]] scur = acidità estrèmma (pH 0)
* [[Ross]] = acidità elevada
* [[Arancion]] = acidità media
* [[Giald]] = acidità débol
* [[Giald]] che ‘l tend al [[verd]] = acidità minima
* [[Verd]] = neutralità perfètta (pH 7)
* [[Verd]] che ‘l tend al bloeu = alcalinità minima
* [[Azur]] = alcalinità dèbol
* [[Bloeu]] = alcalinità media
* [[Bloeu scur]] = alcalinità elevada
* [[Endegh]] = alcalinità estrèmma (pH 14)

== pOH ==
[[Archivi:Ph-measurement.jpg|miniatura|[[Peaccameter|peaccàmeter]] dopràa per misurà el pH]]
A l’instèssa manera a se po’ introdù el '''pOH''':

: '''''pOH = -log<sub>10</sub>[OH<sup>-</sup>]'''''

L’utilizzazion del pH e del pOH la permètt de esprimm el prodòtt iònich de acqua in quèlla manera chì:

: '''''pH + pOH = 14'''''

Quèlla relazión chi l’insegna che ind ona soluzion acquosa a 25,00&nbsp;°C la sòma del pH e del pOH la gh’hà de vèss semper eguàl de 14. S’a se conòss el pH (o el pOH) a l’è possibil de risalìgh ai concntrazion [H<sub>3</sub>O<sup>+</sup>] e [OH<sup>-</sup>], per mèzz de quèj espression chì: 

: '''[H<sub>3</sub>O<sup>+</sup>] = 10<sup>-pH</sup>; [OH<sup>-</sup>] = 10<sup>-pOH</sup>'''

IA l'istèssa manera del pOH, del pH, ancasì a se definìss ‘me [[Logaritmo decimal|logaritm decimal]] negativ de la concentrazion di ion <math>H^+ </math> in soluzion, e ‘l ven indicàa inscì: 

: <math>pH = -\log_{10} [H^+] </math>.

La concentrazion l’è misurada in [[mòl]] / [[Lìter|liter]] de [[Soluzion (chimega)|soluzion]], e l’è ciamada [[Concentrazion de quantità de sostanza|concentrazion molar]]. Se per esempi ‘na soluzion acquosa la gh’ha ’n pH pari a 3,5, dai definizion el sortìss foeura che la concnetrazion di [[ion]] <math>H^+ </math> a l’è quèsta chì:

: <math>[H^+] = 10^{-3.5} = 3.16 \cdot 10^{-4}</math> mol/L.

== Standard per la misurada del pH ==
El [[Standard internazionale|standard internazionàl]] accettàa a l’è ‘na soluzione acquosa 0,05 M ( M= [[mòl]] per liter) de [[idrògenoftalaa de potassi]], che ‘l sò pH a 25,00&nbsp;°C l'è stà misuràd con el valor de pH = 4,005.

De tutt i maner a hinn stàa definìi tanti alter standard segondari, che ‘l sò pH a l’è stàa misura con la cura màssima possìbil rispètt al pH standard principàl. 

== Il pH in del calibrà l'elettrodo a veder ==
De già che a gh’è disponibil on grand numer de standard segondari, a l’è possibil de doperà in d[[el calibrà]] l’[[elettrodo a veder]] on stadard che ‘l gh’hà on pH arent a quèll de la soluzion de vèss misuràa, oppur, l’è mèj de doprà du standard che gh’hànn di pH pòch superior o inferior a quèll de misurà, de manera de minimizzàa on possibil contegn "minga ideàl" de l'elettrodo medésim. El pò defàtt succed che la pendenza de la [[rètta]] che liga insèma la [[Fòrza elettromotris|fòrza elettromotrìs]] de la cèllula de misurà el pH la sia leggerment divèrsa del valór "[[Walther Nernst|Nernstiàn]]" (<math>RT/F * ln10</math>), pari a 59,16 mV a 25,00&nbsp;°C.

== pH de viragg ==
A l’è ciamàa '''pH de viràgg''' el valor del pH che ‘l correspónd al cambi de [[color]] de on [[Indicador (chimega)|indicador]]: quèll valór chì a l’è donca ùtil in del determinà qual è l’indicadór che l’è pussée giust de vèss doperà per fà 'na [[Titolazion (chimega)|titolazion]] infra on [[acid]] e ‘na [[bas]]. Defàtt el pH de viràgg el doarìss correspònd al pont de equivalenza, quand che i [[equivalent]] di du component hinn eguàl in numer. 

== Proton acid in di compòst organich ==
[[Archivi:Alpha_and_beta_positions_of_benzylacetone-structure.svg|miniatura|Carbon alfa e beta. Chichiscì el [[carbonil]]  el gh’ha du idrògen β e cinch [[idrògen]] α]]
In di compòst organich, de sòlit i proton ligàa cont i [[atom]] de [[carbòni]] gh’hànn 'n acidità bassa, tuttmanch on quaj proton l'è bon de destaccàss de la [[molecola]]  a la fàcil (de chi la soa  [[acidità]]). Ancaben l'acidità la sìa nò paragonàbil cont on àcid fòrt (pKa<1) el fenòmen el diventa important quand che sti chì vànn in contàtt cont ‘na [[bas]] che la gh'abìa 'na fòrza tal de ciapànn via el [[proton]]. Quèll aspètt chì a l’è de interèss perché i [[Reazion acid-bas|reazion àcid-bas]] hinn importànt ind la [[Chimega organica|chimica organica]]. 
[[Archivi:Acetaldeide_acida.svg|centro|450x450px|Acetaldèid àcida]]
{{clear|both}}
Chi de sora a vènn fàa vedée el destàcch de on [[proton]] alfa de on [[carbonil]], con pKa=17, che rispètt a l’acidità di proton de on [[alcan]] (pKa≈50) a l’è molto pussée bassa. El distàcch in quèll caso chì el po’ vèss spiegàa cont el notà che ‘l [[Carbanion|carbanión]] el s’è stabilizza per mèzz de ‘na [[Risonanza (chimega)|risonanza]], in particolar ‘na [[tautomeria cheto-enòlica]].<ref>[http://www.chem.ucalgary.ca/courses/351/Carey5th/Ch21/ch21-2.html Ch21: Acidity of alpha hydrogens<!-- Titolo generato automaticamente -->]</ref>

== Nòta per completèzza ==
La scala internazional del pH a l’è basada in su di concentrazión esprèss in [[Mòl|mol]]/[[Chilogramm|kg]] al pòst de mol/L. A l’è inscì perchè i concetrazion pòden vèss  misuràd in tèrmen de volùmm. De tutt i maner ind la pupart di aplicazion prategh quèlla differenza chì 'è senza importanza. 

== Nòt stòrich e etimològich ==
Quant a l'etimologìa del tèrmen pH a l’è vegnuda foeura ‘na questión. Second quajvun  la "p" l’indicarìss domà l’operadór matematich descrivùu adèssadèss, a gh’è di alter che pensen inveci che ‘l staga per "pondus" ("pes" in [[Lengua latina|latin]]), oppur "power" (potènza in [[Lengua inglesa|inglése]]). Quèj trii interpretazion chì hinn però putòst irragionévol vist che ‘l Sørensen l’hà pubblicàa domà in sti trii lenguv chì: [[Lengua todesca|todèsch]], [[Lengua francesa|francès]] e [[Lengua danesa|danés]]. A l’è interessant de notà che ‘l  Sørensen, despèss, l’ha dopràa la "q" inscambi de la "p" per designà l'elettrodo de riferiment (a idrògen).

Al princippi el Sørensen l’hà dopràa ‘me simbol "''Ph''", che poeu l’è diventà "''PH''" e domà in di ann 20 l’è diventàa "''pH''" a la definitiva, ‘doe "''p''" el gh’ha la nòta funzion de operador matematich.

== Nòt ==
<references />

== Bibliografia ==

* {{cita libro|cognome=Silvestroni|nome=Paolo|titolo=Fondamenti di chimica|editore=CEA|città=|anno=1996|ed=10|ISBN=88-408-0998-8|id=.|cid=Silvestroni}}

== Vos correlad ==

* [[Acid]]
* [[Alcalimetria]]
* [[Bas (chimica)]]
* [[Diagramma del Flood]]
* [[Reazion del terren]]

== Ligamm de foeura ==
* [https://www.neonics.co.th/%E0%B8%AB%E0%B8%A1%E0%B8%A7%E0%B8%94%E0%B8%AB%E0%B8%A1%E0%B8%B9%E0%B9%88%E0%B8%AA%E0%B8%B4%E0%B8%99%E0%B8%84%E0%B9%89%E0%B8%B2/ph-meter pH meter and acid base measurement]

* {{cita web|http://www.itchiavari.org/chimica/lab/titolim.html|Determinazione dell'acidità del succo di limone}}
* {{cita web|http://www.funsci.com/fun3_it/acidi/acidi.htm|''Fun Science Gallery'' - Esperimenti con acidi e basi}}

[[Categoria:Unità de mesura]]
[[Categoria:Chimica]]