Positron
El positron l'è l'antiparticella de l'elettron. El gh'ha carega elettrega +1, ugual e opposta a quella di elettron, l'istess spin de 1/2 e l'istessa massa. La soa esistenza l'è stada postulada dal Paul Dirac e dimostrada in del 1933.
Storia
Hinn staa descovert in di ragg cosmegh dal Carl Anderson in del 1932. Hinn staa el Patrick Blackett e 'l Giuseppe Occhialini a finì la descoverta l'ann dopo, e han confermaa l'ideja del Paul Dirac in su l'esistenza de l'antiparticella de l'elettron.
Annichiliment
Quand che on positron el ciappa dent on elettron tutta la massa la vegn energia, squasi tutta in foton in del camp di ragg gamma, con la formula:
Di voeult el pò vegnì foeura on atom esotegh assee instabil, ciamaa positronio.
Produzion
Se pó avègh on positron dal decadiment radioattiv o dal contatt di foton da pussee de 1,022 MeV con la materia, che 'l produss sia on elettron che on positron, e per quest l'è ciamada "produzion de cobbia".