Intersezion (insemma)
In la teoria di insemma l'intersezion, simbol , a l'è 'n operazion binaria che, daa du insemma, la da tucc i element comun ai du insemma.
Se, per esempi, l'insemma de quej che viven in Largh Bagg a l'è faa de Isepp, Maria, Fiorenza e Luis e l'insemma de quej che lavoren al prestinee de la via a l'è faa de Giovann, Isepp, Fiorenza e Ciara l'intersezion a l'è Isepp e Fiorenza, cioè quej che viven in Largh Bagg e lavoren al prestinee.