Volumm de la dacquada

Modell:O Modell:MILCLASS El volùmm de la dacquàda l’è la quantità de acqua che la ghe ven dada al terren cont ona dacquada. El ven esprèss in millimeter icome altèzza de la dacquada h_a.

Calcol del volumm de la dacquada

El volumm che gh’è besògn de fornì con ona dacquada l’è, se l’irigazion l’è ben progettada, quèll che ‘l fornìss l’acqua facilment disponibil o ben:

$h_a=A_d=f_a\cdot ({\theta }_{cc}-{\theta }_{PA})\cdot p$

‘ndoe:

Ad l’è l’acqua disponìbil il millimeter;

θ_cc l’è la capacità de camp in mm/m;

θ_PI l’è el contegnù idrich de terrén al pont de impassiment semper in mm/m;

p a l’è la profondità di radìs in m;

fa l’è la frazion de acqua facilment disponibil.

In del caso de l’irigazion localizzada, per esempi cont i gotadór per la microirigazion:

$h_a=A_d=(S_b/100)\cdot f_a\cdot ({\theta }_{cc}-{\theta }_{PA})\cdot p$

per ciapà in cosiderazion la percentuàl Sb de la superfice del terrén che la ven bagnada.

De sora maròss de già che l’irigazión l’è nò omogenua ghe de considerà anca l’efficienza potenzial del metod de irigazion (PAE) donca el volùmm lord de la dacquada el sarà:

$h_{al}=\frac{h_a}{PAE/100}$

A l’è possibil divìd el volùmm de la dacquada in part pussée piscinìnn e irigà pussée despèss, ma l’è nò possibil de aumentàll rispètt al valór apèna calcolàa perché l’acqua in del terrén l’andarìss tròpp giò in disponibilità e minga la sarìss pù facilment disponìbil per i piant.

Turno de la dacquada

El turno de la dacquada Ti l'è el temp che 'l passa infra 'na dacquda e quèlla adrée e'l se calcola inscì:

$T_i=\frac{ha}{F_{in}}=\frac{h_{al}}{F_{il}}$

indoe:

F_in l'è el fabisògn nètt de irigazion;

F_il l'è el fabisògn lord de irigazion.

Vos correlad

• Irigazion