Acqua disponibil

Modell:MILCLASS L’àcqua disponìbil (Ad) a l’è la quantità d’acqua che ona pianta la pò trà foeura del soeul, de già che i piant hinn minga bon de trà foeura l’acqua de là del pont de impassiment.

$A_d=1000mm/m\cdot ({\theta }_{cc}-{\theta }_{PA})\cdot p$

‘ndoe:

Ad l’è l’acqua disponìbil il millimeter;

θ_cc l’è la capacità de camp in m3/m3;

θ_PI l’è el contegnù idrich de terrén al pont de impassiment;

p a l’è la profondità di radìs.

De già che $\theta =w\cdot \frac{{\rho }_a}{{\rho }_w}$, Ad la po’ vèss inscì esprèssa in funzión del contegnùu de acqua in massa:

$A_d=1000\cdot (w_{cc}-w_{PI})\cdot \frac{{\rho }_a}{{\rho }_w}\cdot p$

‘ndoe:

ρa/ρw a l’è el rappòrt infra la densità de l’acqua e del terrén;

w_cc a l’è el contegnùu de acqua in del terrén a la soa capacità de camp in kg/kg;

w_PI a l’è el contegnùu de acqua al pont de impassiment.

Valor tipich de l'acqua disponibil de divèrsi tipi de terrén

Tipo de terrén	Capacitàa de camp mm/m
Sabbiós	50-110
Franch-sabbiós	60-120
Sabbiós-franch	110-150
Franch	130-180
Franch-littós	130-190
LIttós	160-200
Franch-Littós-creós/Franch-creós/Franch-sabbiós-creós	130-180
Creós-littós/Creós-sabbiós	130-190
Creós	120-200

Acqua facilment disponibil

Quand che l'acqua la dimnuìss sòta 'na cèrta soeuja, la pianta, sòta strèss la dopera di meccanismi de difesa (saradaura di stòma, resciàda di foeuj...); l'acqua facilment disponìbil (A_df) l'è la part de acqua disponìbil che la pianta l'è bona de surbì senza subì el strèss.

$A_{fd}=f_a\cdot A_d$

indoe fa l'è la frazión de acqua disponibil facilment.

Acqua facilment disponibil e svapo-traspirazion

Quand che l'acqua la se redù sòta Adf (ma l'è ancamò pussée de Ad) la svapo-traspirazión la se redùss per via di meccenismi de difesa de la pianta; quèll fàa chì el pò vèss considerà per mèzz del coefficént de strèss Ks. El strèss el pò vèss indòtt minga domà de la pòca acqua ma anca de la salinità.