Livèll de potenza sonòra

Modell:MILCLASS El ven ciamàa livèll de potenza sonòra la potenza trasmettuda in forma de son, misurada in decibel al pòst che in watt, in rappòrt a ‘na potenza de riferimento de W₀ = 10^-12 Watt:

$L_W=10\log \frac{W}{W_0}dB$

Generalmént a gh’è de specifegà la banda de freguenza che se fa riférimént o la curva de compensazión. Se ‘l livèll el se misura per esempi in dB(A), el sìmbol el diventa L_WA.

Ligamm con la pression

S’a l’è conossùu el livèll de la potenza sonòra emissa d’ona sorgènt, a l’è possìbil calcolà el livèll de pressión acustica ideàl indòtt de la sorgènt i di vari pont del spazzi. Degià che la pressión l’è misuràbil direttamént cont on fonòmeter, a l’è possìbil anca effettuà el càlcol al ‘incontrari, per determinà la potenza acustica d’ona sorgènt segond in misùr de la pressión in vesinanza .

S’a se conóss la potenza sonòra d’ona sorgenta pontiforma e ‘l sò fattor de direttività Q (el rappòrt infra l'intensità sonòra effettiva e l'intensità che la ghe sarìss stada se la sorgént l’avèss mandàa foeura el son in manera uniforma), se pò calcolà el livèll de pressión sonòra a ona cèrta distanza r, ind on ambiént con costanta acustica R (R = S a /(1-a) indoe S a l'è la superfice totàl de l'ambiente in metri e “a” a l’è el coefficiente acustico medio di assorbimento del locale, segond el Sabine):

$L_p=L_W+10\log (\frac{Q}{4\pi r^2}+\frac{4}{R})$

Quèll’equazión chì la var domà per el camp sonòr riflettùu.

Se la sorgenta sonòra a l’è puntiforma e la manda foeura el son in tucc i direzión in camp lìber, a se aplica quèlla formola semplificada chì:

$L_p=L_W-20\log r-11$

Per ‘na sorgént puntiforma piazzada in su ‘n pian riflettént (Q = 2):

$L_p=L_W-20\log r-8$

Questa chì l’è ‘n'approssimazión del come l’è che ‘l son el se spantega a la serèna sora la superfice terrèster; per la divergenza di ond, el livèll de la pressión el se sbassa in manera proprozionàl al logaritm de la distanza de la sorgènt.

De chi fórmol chi en ven foeura ch’anca senza conóss el livèll de potenza de la sorgènt, a l’è possìbil determinà el livèll de pressión a ‘na cèrta distanza de la sorgént pontiforma, s’a se conòss el livèll de pressión a on’altra distanza:

$L_{p2}=L_{p1}-20\log \left(\frac{r_2}{r_1}\right)$

A se capìss che, cont el dobbià de la distanza, el livèll de pressión sonòra el se sbassa de circa 6 dB.