Calcar total

Modell:MILCLASS Cont el tèrmin calcàr totàl a se voeur indicà l’insèma di carbonàa ( CO₃^2- ) e di bicarbonàa ( HCO₃^2- ) de calcio e de magnesio in del soeul. A hinn esprèss ‘me percentuàl del carbonaa de calcio in sul terrén sècch analizzàa. In del soeul l’equilibri l’è governàa de l’andride carbònica:

$C{O}_2+H_{2}O<=>H_{2}C{O}_3^{-}+H^{+}<=>C{O}_3^{2-}+H^{+}$

indoe l’anidride carbònica l’è quèlla de l’atmosfera giamò present pussée quèlla dent di procèss de la respitazion di piant. Quand che l’equilibri el se spòsta vèrs drizza se formen i carbonaa e i bicarbonaa che precìpiten in presenza di ion Ca²⁺, Mg²⁺, Na⁺. L’aument de la respirazion di piant la spòsta l’equilibri vèrs drizza.

In di soeul ricch de calcar i reazion de precipitazion hinn:

Ca²⁺ + HCO₃^-→Ca(HCO₃)₂

Ca²⁺ +CO₃^2- → Ca CO₃

Quèste l voer dì che ‘na fòrta presenza de Ca2+ la detèrmina la formazión di carbonàa de CaCO₃ e HCO₃ che hinn di sàj a idrolisi basica. El terrén el tend donca a vegnì alcalìn cont on pH fin anca 8,3-8,5.

In di terrén sòdich i reazion de precipitazion:

Na⁺ +HCO₃^- → NaHCO₃

Na⁺ + CO₃^2- → Na₂CO₃

In presenza de Na+ se foeurmen i carbonaa e bicarbonaa relatìv ch’a hinn di di sàj a idrolisi assosènn basica e ménen el terrén a on pH maggiór de 8,5.

Classificazion di terren segond la percentuàl de Carbonaa de Calcio

%CaCO3	El nòmm
<2,5	terrén pòver
2,6-10,0	terren normalment dotàa
10,1-15,0	terrén ben dotàa
15,1-25,0	terrén ricch
>25,1	terrén tròpp dotàa

Calcar attiv

Cont el tèrmin calcàr attìv ( o carbonaa attiv ) a se voeur indicà l’insèma di carbonàa ( CO₃^2- ) e di bicarbonàa ( HCO₃^2- ) ind la fase liquida del soeul. A hinn esprèss ‘me percentuàl del carbonaa de calcio in sul terrén sècch analizzàa.

%CaCO3	Classificazion
<3,0	molto bass
3,1-5,0	bass
5,1-10	medi
10,1-15,0	elevàa
>15,1	molto elevàa

Vos correlad

• Calcàr
• Vocazion ambiental di piant