Forza

Una forza l'è de spess descrivida come un sponciar o un tirar. I forze i pœl vesser creade da di fenomeni, come la gravitaa, ol magnetism, o un olter fenomeno qe al fa acelerar un corpo.

Una forza l'è una grandeza fisega vetoriala qe la se manifesta ind l'interazion de do o plœ corp, e a livell macroscopigo, e a livell di particelle elementare. La so carateristiga l'è qella de provocar una variazion del stat de quiet o del moto di corpi; quand g'è plœ forze, l'è qella qe la resulta da la so soma vetoriala a determinar la variazion del moto. La forza l'è descrivida ind la fisega classica da la segonda lej de Newton, come derivada rispet al temp de la quantitaa de moto.

Ind i formule:

$\overrightarrow{F}=\frac{\text{d}\overrightarrow{p}}{\text{d}t}=\frac{\text{d}(m\overrightarrow{v})}{\text{d}t}$

qe, ind el caso qe la massa del corpo la sives costanta, la deventa:

$\overrightarrow{F}=m\frac{\text{d}\overrightarrow{v}}{\text{d}t}=m\overrightarrow{a}$

Unitaa de misura

Sistema internazional

L'unitaa de misura de la forza ind el SI l'è ol newton, definid come:

$\mathrm{1}\mathrm{N}\mathrm{=}\mathrm{1}\frac{\mathrm{k}\mathrm{g}\cdot \mathrm{m}}{s^2}$

Olter sistemi de unitaa de misura

Ind el sistema CGS la forza la se misura in dyne.

Riferiments

• Modell:It Forza - Treccani